Britney rekin af veitingastað

Britney Spears gæti ekki verið í verri málum nú þegar forræðisdeila hennar og Kevin's Federline er að hefjast fyrir rétti. Kevin hefur fengið til liðs við sig vitni sem sögð eru ætla að greina frá fíkniefnaneyslu söngkonunnar á heimilinu fyrir framan synina tvo, þá Sean Preston og Jayden James.

Þrátt fyrir að forræðisdeilan sé í fullum gangi virðist Britney ekki geta komist hjá því að lenda í vandræðum og nú síðast var hún rekin út af veitingastað lúxushótelsins Chateau Marmont í Los Angeles fyrir ósæmilega hegðun. Hún mun hafa smurt andlit sitt með matnum og gengið þannig á milli gesta. Gestunum bauð svo við framkomu hennar að þeir báðu hóteleigendur um að reka hana út.

"Þú getur ekki einu sinni búist við svona hegðun af unglingi á skyndibitastað," sagði einn gestanna. "Þetta er mjög finn veitingastaður og því algerlega óásættanleg hegðun." Britney hefur nú verið sett á svartan lista hjá hótelinu og mun ekki eiga afturkvæmt þangað.