Jakobínarína gerir það gott í Danmörku

Lagið This is an Advertisement með hljómsveitinni Jakobínarínu er nú í sjötta sæti á vinsældarlista Danska Ríkisútvarpsins en lögin á listanum eru valin af hlustendum.

Sveitin hefur gefið út þrjár smáskífur og er This is an Advettisement ein af þeim. Fyrsta breiðskífa hennar kemur síðan út í Englandi og á Norðurlöndunum í byrjun október og ber hún heitið The First Crusade.

Jakobínarína samanstendur af þeim Gunnari Bergman Ragnarssyni, söngvara, Hallberg Daða Hallbergssyni, gítarleikara, Ágústi Fannari Ásgeirssyni, hljómborðsleikara, Sigurði Möller Sívertsen, trommuleikara, Björgvini Inga Péturssyni, bassaleikara og Heimi Gesti Valdimarssyni gítarleikara.

Hljómsveitin mun halda í tónleikaferðalag um Evrópu til að fylgja útgáfu plötunnar eftir auk þess að fara í stuttan túr til Bandaríkjanna.