Pete Doherty vill fá Kate aftur

Eiturlyfjagosinn Pete Doherty vill fá Kate Moss aftur. Súpermódelið henti Doherty út fyrir skemmstu þegar hún komst að því að hann hefði verið að lúlla hjá suður-afrískri fyrirsætu. ,,Ég elska hana ennþá. Hún hryggbraut mig" sagði söngvarinn við breska dagblaðið The Sun.

Doherty sagði fyrisætuna hafa gjörbreytt um lífsstíl eftir að myndir náðust af henni þar sem hún saug kókaín í nefið. Hún hafi farið til Arizona í meðferð og í kjölfarið hætt allri eiturlyfjaneyslu, vegna þess að hún hræðist það að fjögurra ára dóttir hennar verði tekin af henni.