Ósátt við dóm um Harry Potter

JK Rowling, höfundur Harry Potter bókanna er æfareið yfir því New York Times hafi birt dóm um nýjustu bókina í flokknum tveimur dögum áður en hún kemur út.

Í dómnum fer gagnrýnandi blaðsins lofsamlegum orðum um bókina. Hann gefur líka upp að sex persónur látist, en nafngreinir þær ekki. Hann segist hafa keypt bókina í ónefndri búð í New York.

,,Harry Potter And The Deathly Hallows" er síðasta bókin um galdradrenginn vinsæla og hafa aðdáendur beðið hennar með mikilli eftirvæntingu. Útgefendur hafa haft mikið fyrir því að koma í veg fyrir að söguþráður bókarinnar leki út og bannað öll viðskipti með hana fyrir aðfaranótt laugardagsins næsta.

Í yfirlýsingu sem Bloomberg, útgefandi bókanna í Bretlandi, sendi út segist Rowling steinissa á því að Amerísk dagblöð ákveði að gefa upp atriði úr söguþræðinum dulbúin sem ritdóm, þvert á óskir milljóna lesenda.