Lilly Allen sýnir geirvörtuna

Myndband af Lily Allen þar sem hún vippar út brjóstinu til að sýna þriðju geirvörtuna sína er eitt það vinsælasta á YouTube. Söngkonan geðþekka var að kynna þáttinn Friday Night Project á Channel 4 sjónvarpsstöðinni.

Einn gesta þáttarins minntist á þriðju geirvörtu, og Allen sagðist þá einmitt vera með eina slíka. Undir hvatningarópum áhorfenda togaði hún svo niður bolinn og sýndi geirvörtuna. Hún sagðist lengi ekki hafa vitað hvað þessi litli blettur á brjóstinu væri, en þegar hún sá Chandler Bing í Friends þáttunum tala um auka geirvörtuna sína hefði hún leitað til læknis sem hefði staðfest að þetta væri þriðja geirvartan.

Myndbandið var hið fjórða vinsælasta á YouTube, en fleiri en 400 þúsund manns horfðu á fyrsta daginn sem það var á vefsíðunni.