Potter aðdáendur skora á Rowling

Þúsundir aðdáenda Harry Potter bókanna hafa sett nafn sitt á bænaskrá sem ætlað er að hvetja höfundinn J.K. Rowling til að halda skrifum sínum áfram. Sjöunda bókin um galdrastrákinn sívinsæla er væntanleg. Rowling hefur fullyrt að í þeirri bók taki ævintýrið um Harry skýran endi og að hún verði sú síðasta í flokknum. Sá orðrómur hefur borist út að í bókinni láti Harry lífið. Rowling vill ekkert gefa upp um það en segir bókina þó ekki lausa við feigð.

Sautján ár eru nú liðin síðan Rowling hóf skrif sín um Harry Potter . Hún viðkennir að erfitt verði að kveðja Harry; hún segist sorgmædd en um leið sátt og að nú langi hana til að snúa sér að öðrum viðfangsefnum innan bókmennta.

Í nýlegu sjónvarpsviðtali gaf Rowling þó æstum aðdáendum sínum óljósa von þegar útilokaði ekki að sá heimur sem hún hefur skapað verði sér áfram efni í skrif. Nánar til tekið sagði Rowling : „Ég get ekki sagt að ég muni aldrei skrifa aðra bók um þennan heim, vegna þess að ég hugsa: Hvað veit ég? Eftir 10 ár gæti mig langað til snúa aftur til hans. En mér þykir það ólíklegt ..."

Þeir sem vilja að Rowling snúi frá villu síns vegar og haldi skrifunum um Harry áfram geta skráð nafn sitt á umrædda bænaskrá á vefsíðunni www.saveharrypotter.co.uk