Mel C varar við megrunum

Mel C, sportkryddið hefur nú tjáð sig um vandræði sín með þyngd sína. Kryddpían, sem var tágrönn þegar sveitin var hvað frægust varar nú við afleiðingum öfgafullra megrana.

,,Ég var allt of létt og með óheilbrigða ímynd. Það voru krakkar sem litu upp til mín. Ég vil bæta fyrir þann skaða sem ég gæti hafa valdið." sagði hún við Sun tímaritið.

,,Ég varð svo grönn að ég hætti á blæðingum og beinin í mér urðu ofurbrothætt. Ég hef líklega valdið mér varanlegum skaða"

Söngkonan þurfti sem Sportkryddið að halda sér í góðu formi til að geta dansað um á sviðinu, farið í flikkflakk, splitt og spígat. Hún segir að hún hafi verið stöðugt í líkamsrækt, og ekki borðað nóg. Hún hafi viljað vera fullkomin, og að tilraunir hennar til að verða það hafi gert hana mjög veika.