Nicole Richie ólétt

Nicole Richie er ólétt. Að minnsta kosti telja TMZ.com og In Touch Weekly sig hafa staðfest það.

,,Nicole vildi ekki segja neinum frá því fyrr en hún væri komin lengra en þrjá mánuði á leið" sagði vinur stjörnunnar við In Touch ,,Henni tókst að halda þessu leyndu fyrir öllum"

Richie hefur verið í sambandi við Joel Madden, söngvara hljómsveitarinnar Good Charlotte í rúmlega hálft ár. Heimildamenn In Touch segja parið ætla að gifta sig í sumar.

Tímasetningin gæti líklega verið betri því Richie litla gæti verið á sömu leið og vinkona hennar Paris Hilton - í fangelsi.

Raunveruleikastjarnan var handtekin í desember síðastliðnum, þar sem hún keyrði á móti umferð undir áhrifum lyfja og áfengis á hraðbraut í Los Angeles. Hún var áður handtekin fyrir ölvunarakstur árið 2003.

Réttað verður í málinu 11. júlí. Verði hún fundin sek getur hún átt yfir höfði sér 90 daga til eins árs fangelsi.