Endurnýja ekki samning við Kate Moss

Fyrst heldur Pete Doherty framhjá henni með annari fyrirsætu, og núna eru nærfataframleiðendurnir Agent Provocateur að dömpa henni fyrir fimmtán árum yngri brúnettu.

Brúnettan heitir Daisy Lowe og er 18 ára gömul dóttir hönnuðarins Pearl Lowe, og núverandi eiginmanns Gwen Stefani, Gavin Rossdale.

Serena Rees, annar eiganda nærfataframleiðandans, vildi reyndar ekki segja hver nýja fyrirsætan væri. ,,Það er algjört leyndó en hún er töluvert öðruvísi. Hún er ekki kynþokkafull á áberandi hátt" sagði Rees við Daily Mail.

Samningurinn við Kate var 500 þúsund punda eða rúmra 62 milljóna króna virði á ári.