Lífið

Beckham hefur störf föstudaginn þrettánda

Sigríður Elva Vilhjálmsdóttir skrifar
Föstudagurinn þrettándi júlí er dagurinn sem David Beckham gengur til liðs við bandaríska fótboltaliðið Los Angeles Galaxy. Dagurinn er alþekkt tákn fyrir yfirvofandi óheppni.

Galaxy-liðið tilkynnti í gær að Beckham, sem losnar undan samningi sínum við Real Madrid á sunnudaginn, muni hefja vist sína með blaðamannafundi á leikvangi liðsins að morgni hins 13.

Fimm ára samningur Beckhams við liðið er talinn vera um 250 milljón dollara virði.

Beckham lék síðast með Real Madrid gegn Mallorca í síðasta leik spænsku úrvalsdeildarinnar, þar sem Real Madrid tryggði sér spænska meistaratitilinn. Hann hefur síðan þá hvílst og jafnað sig á ökklameiðslum.

Reiknað er með að fyrsti leikur Beckhams fyrir Galaxy verði 21. júlí gegn breska liðinu Chelsea.

 



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.