Posh Spice vinnur meiðyrðamál

Í grein sem birtist í Star tímaritinu lýsti meðlimur í kvikmyndatökuliði nýs raunveruleikaþáttar hennar því að Victoria væri smámunasöm, frek og dónaleg. Hún væri sjálfumglöð og ekki mjög viðkunnaleg.

,,Tökuliðið hlær að því að hún haldi að hún sé rosalega fræg og hitti svo dyravörð eða þjón sem hefur ekki hugmynd um hver hún er." sagði ennfremur í greininni.

Gerrard Tyrrell, lögfræðingur Victoríu, benti hinsvegar á að tökur á þættinum hefðu ekki verið hafnar þegar greinin var birt, og því ómögulegt að hún væri sönn. Umtalið hefði valdið henni skaða og sálarkvölum.

Northern og Shell, útgefendur Star tímaritsins báðust afsökunnar á því álagi og niðurlægingu sem málið hefði valdið, drógu greinina til baka og féllust á að greiða bætur og lögfræðikostnað.