Paris Hilton í Larry King Live

Fyrsta viðtal Parisar Hilton eftir að hún sleppur úr steininum verður við spjallþáttakónginn Larry King á CNN sjónvarpsstöðinni.Talsmaður þáttarins greindi frá þessu á laugardag.

Bridget Leininger talsmaður þáttarins sagði að allur þátturinn á miðvikudagskvöldið yrði lagður undir Hiltonviðtalið, en upphaflega átti Michael Moore að vera viðmælandi Kings þetta kvöld.

Á föstudaginn höfnuðu NBC og ABC sjónvarpsstöðvarnar því að þær myndu borga fyrir viðtal við stjörnuna, en orðrómur hafði verið í gangi um að NBC sjónvarpsstöðin hefði fallist á að greiða henni milljón dollara fyrir fyrsta viðtalið.

Leininger sagði að ,,Larry King Live" borgaði aldrei fyrir viðtöl.

Reiknað er með að Hilton verði sleppt á þriðjudag, en þá hefur hún afplánað 23 daga af 45 daga dómi sínum fyrir skilorðsbrot vegna ölvunaraksturs.