Retro Stefson á föstudagstónleikum 12 tóna

Hljómsveitin Retro Stefson treður upp á föstudagstónleikum 12 tóna í dag. Sveitin lýsir tónlist sinni sem blöndu af Retro-Latin-Surf-Soul-Powerpoppi og eiga meðlimir rætur sínar að rekja um allan heim, þó einkum til rómanskra málsvæða sem endurspeglast bæði í tónlist þeirra, textagerð og klæðnaði.

Retro Stefson var stofnuð síðla árs 2005 af átta skólafélögum í Austurbæjarskóla. Þar þau hafa enn aðgang að hljóðfærum og húsaskjóli, þó flest séu þau löngu útskrifuð þaðan.

Tónleikarnir hefjast klukkan 17.00 og lofar sveitin garðveislu ef veður leyfir.

Myspace síðu sveitarinnar, sem einnig leikur á Airwaves í ár, má skoða hér.