Vilhjálmur bretaprins 25 ára með milljónir á mánuði

Prinsinn ætti að minnsta kosti ekki að þurfa að hafa áhyggjur af því að eiga ekki fyrir 25 ára afmælisveislunni, því hann fær á afmælisdaginn aðgang að vöxtum á arfi eftir Díönu móður sína.

Arfurinn er metinn á 6.5 milljónir punda eða rúmar 800 milljón krónur. Fjármálasérfræðingar reikna með að vextirnir nemi á milli 30 og 43 milljónum króna á ári.

Heimildir herma þó að Vilhjálmur muni ekki snerta peninginn á næstunni. Enda kannski ekki á flæðiskeri staddur.

Þegar Dína lést skildi hún eftir sig rúma 2,5 milljarða króna en tæpur milljarður af því var greiddur í erfðaskatt. Afgangnum var skipt á milli prinsanna og með vöxtum síðust tíu árin nemur eign hvors rúmum ellefu hundruð milljónum króna.

Þeir þurfa þó að bíða til þrítugs til að fá aðgang að höfuðstólnum.

Prinsinn þénar nú þegar tæpar þrjár milljónir á ári fyrir störf sín í riddaraliði breska hersins. Þá fær hann pening frá föður sínum til að borga fyrir húsnæði, starfsfólk og pólóleik.