Lífið

Vilja skýra barn sitt ,,4real"

Sigríður Elva Vilhjálmsdóttir skrifar
Nýsjálenskt par berst nú fyrir réttinum til að skýra son sinn ,,4real", sem gæti útlagst ,,í alvöru", en yfirvöld eru ekki hrifin. Pat og Sheena Wheaton ákváðu nafnið þegar þau sáu barnið fyrst í ómskoðun og áttuðu sig á því að þau væru ,,í alvöru" að verða foreldrar.

,,Flest okkar eru að reyna að skilja hvað nöfnin okkar þýða. Við flettum því upp í nafnabókum, en það eru engin bein tengst milli þýðingarinnar og nafnsins." sagði frú Wheaton við TV One sjónvarpsstöðina. Það skilja allir hvað þetta þýðir.

Þegar foreldrarnir reyndu að skrá draumanafnið á þarlendri þjóðskrá, var þeim tjáð að að nöfn mættu ekki innihalda tölustafi.

,,Nafninu hefur á þessu stigi ekki verið hafnað. Við erum hinsvegar í viðræðum við foreldrana... til að leysa málið" sagði Brian Clarke, yfirmaður þjóðskrárinnar.

Clarke sagði að reglurnar væru hannaðar til að koma í veg fyrir nafngiftir sem gætu valdið börnun um óþægindum. Dæmi um nöfn sem hefði verið hafnað væru Satan og Adolf Hitler.

Ef samkomulag næst ekki fyrir níunda júlí verður barnið skráð sem ,,Real", en Nýsjálensk lög kveða á um að öll börn skuli nefna innan tveggja mánaða frá fæðingu.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.