Bannar Kryddpíunum að verða óléttar

Simon Fuller, heilinn á bak við endurkomu kryddpíanna, ætlar ekki að standa í neinu rugli.

Hann hefur þess vegna sett þeim nokkrar reglur, sem þær þurfa að fara eftir í samstarfinu. Samkvæmt heimildum Sun blaðsins eru reglurnar eftirfarandi:

Ekki tala um peninginn sem þið græðið á endurkomunni.

Talið um minningar ykkar af Kryddpíuárunum af umhyggju og stolti.

Ekki rífast hver við aðra um skipulagsatriði - er það þess virði?

Virðið einkalíf og skyldur hverrar annarar.

Virðið skoðanir hver annarar.

Ekki staðfesta eða neita orðrómum fyrr en allt er tilbúið.

Ekki hafa áhyggjur af skipulagi og tímasetningum - það verður tekið tillit til allra.

Viljið þið gjöra svo vel að verða ekki óléttar!

Kryddpíurnar gáfu út sína fyrstu plötu árið 1996 og nutu mikilla vinsælda fram undir lok síðustu aldar. Geri Halliwell yfirgaf sveitina árið 1998 og tveimur árum síðar hætti sveitin endanlega. Allar reyndu þær við sóloferil með misjöfnum árangri. Þannig dundar Mel B., Scary Spice, þessa dagana sér helst við að reyna að fá Eddie Murphy til að viðurkenna að hann sé barnsfaðir hennar og Victoria, Posh Spice, er uppteknust vð að vera fræg fótboltaeiginkona.