Rod Steward gengur aftur í það heilaga

Rokksöngvarinn og Íslandsvinurinn Rod Steward gekk í það heilaga í dag með fyrirsætunni Penny Lancaster. Brúðkaupið fór fram á sveitasetri við Ligurianströnd á Ítalíu en Rod og Penny hafa verið par frá árinu 1998. Athöfnin var látlaus en auk brúðhjónanna voru aðeins foreldrar brúðarinnar viðstaddir.

Þetta er þriðja hjónaband Rod Stewards sem er 62 ára gamall eða 26 árum eldri en Penny. Engir fjölmiðlar fengu aðgang að brúðkaupinu sem var látlaust. Eftir athöfnina fóru brúðhjóninu í siglingu á einkasnekkju Rod Stweards, The Lady Ann Magee.