Osama strítt

16 ára fyrirmyndarnemandi við Tottenville framhaldsskólann á Staten Island segist hafa verið lagður í einelti af kennurum sínum í tvö ár fyrir nafnið sitt. Hann var orðinn svo þunglyndur að hann reyndi sjálfsvíg. Drengurinn heitir Osama Al-Najjar, og deilir þar með fornafni með hryðjuverkamanninum fræga.

Foreldrar Osama hafa reyndar breytt nafninu hans í Sammy og fara fram á óskilgreindar bætur frá bænum fyrir stríðnina. Þau segja að skólayfirvöld hafi viðurkennt á foreldrafundum að þau vissu af eineltinu, án þess að reyna að stöðva það.

,,Þeir neituðu því ekki" sagði móðir Osama, Suad Abuashna. Hún bætti við að aðstoðarskólastjórinn hefði stungið upp á að fjölskyldan, sem flutti frá Jórdaníu árið 1999 til að öðlast meira frelsi, myndi skrá Osama í Islamskan trúarskóla.

Í kærunni segir að leikfimikennari Osama hefði sagt við hann ,,Ég hélt þú værir í helli einhversstaðar". Og að tveir stærðfræðikennarar hafi ítrekað gert grín að nafninu hans, annar kallað hann Bin Laden, og sagt honum að hann myndi aldrei ná prófum hjá sér.

Osama hætti í Tottenville framhaldsskólanum í mars 2006 og skráði sig í Telecommunications High School for Art and Technology í Brooklyn, sem fjölskyldan sagði að væri með sérstaka námsbraut fyrir námsmenn með skólakvíða.