Mæður mega keppa í fegurð

Fegurðarsamkeppnin Ungrú Spánn hefur breytt reglum sínum á þann hátt að nú leyfist mæðrum að taka þátt. Ákvörðunin kemur í kjölfar þess að Ungfrú Cantabria, hin 22ja ára Angela Bustillo, var svipt titlinum þegar upp komst að hún ætti lítinn son.

Titilsviptingin vakti mikla athygli og reiði og bárust stuðningsyfirlýsingar frá öllum frá samtökum femínista til yfirvalda í Cantabriu, sem er strandhérað á Norður-Spáni.

,,Ég vissi að þetta stæði í reglum keppninnar, en það virtist bara svo fáránlegt. Ég hélt að þetta hlyti að vera eitthvað frá 1970 sem þeir hefðu gleymt að uppfæra" sagði Bustillo á sínum tíma.