Naomi nær sáttum við laminn aðstoðarmann

Naomi Campbell hefur ákveðið að borga fyrrverandi aðstoðarmanni sínum skaðabætur í stað þess að fara enn einu sinni fyrir rétt.

Meðal þess sem aðstoðarmaðurinn, Amanda Brack, sakaði Naomi um var að berja hana með gimsteinaskreyttum BlackBerry síma árið 2005.

Þetta er vinsæl árásaraðferð hjá Campbell, en hún var fyrr í ár dæmd fyrir að berja heimilishjálpina með samskonar símtæki. Campbell hefur margoft verið kærð ofbeldi gegn starfsfólki sínu. Hún kennir reiði í garð föður síns, sem yfirgaf fjölskylduna áður en hún fæddist, um skapofsann.