Féll á prófi í þrítugasta og áttunda sinn

73ja ára indverskur bóndi, sem hafði heitið því að giftast ekki fyrr en hann útskrifaðist úr grunnskóla, féll á prófunum í þrítugasta og áttunda sinn á dögunum.

Prófið er yfirleitt lagt fyrir börn þegar þau eru fimmtán ára, en Shiv Charan Yadav hefur tekið þau árángurslaust á hverju ári frá 1969 þegar hann var 35 ára gamall.

Í ár féll hann í öllum fögum nema Sanskrít og fékk 103 stig af 600 mögulegum. Hann sagði að stærðfræðin væri sérstaklega erfið og hefði dregið heildareinkunina niður.

,,Þegar ég næ prófunum ætla ég að giftast konu undir þrítugu, sagði Yadav við Reuters fréttastofuna. Hann býr einn í þorpinu Kohari í Rajastan í vestur Indlandi.

Hann undirbýr sig nú fyrir 39du tilraun sína.