Fönixreglan frumsýnd í Japan

Fimmta Harry Potter myndin, Fönixreglan, verður frumsýnd í Japan 28. júní. Íslendingar þurfa að bíða aðeins lengur, en hér verður myndin ekki sýnd fyrr en 13. júlí.

Ástæðan fyrir staðsetningunni er talin vera gott gengi þriðju Spiderman-myndarinnar, sem sló aðsóknarmet eftir að vera frumsýnd í Tokyo.

Fjórar myndir hafa verið gerðar um töfradrenginn eftir bókum JK Rowlings. Bækurnar verða alls sjö talsins, en sú síðasta Harry Potter and the Deathly Hallows kemur út í lok júlí. Bækur hennar hafa notið mikilla vinsælda um allan heim, og gert Rowlings, sem var fátæk einstæð móðir þegar hún skrifaði fyrstu bókina á servíettur á kaffihúsi, að einni ríkustu konu í heimi.