Pamela Anderson bauluð niður í Cannes

Brjóstagóða Baywatch stjarnan Pamela Anderson var bauluð niður af ljósmyndurum þegar hún mætti of seint í myndatöku á Cannes hátíðinni á föstudag og stillti sér aðeins upp í örfáar mínútur.

Anderson er í Cannes til að kynna nýja mynd sína ,,Blonde and Blonder". Fyrr um daginn hafði hún kvartað við sjónvarpsfréttamenn Associated Press, um að ljósmyndarar væru allstaðar að áreita fræga fólkið. ,,Leikurum er smalað um eins og nautgripum, snúðu þér svona, snúðu þér hinsegin." sagði stjarnan.

Mótleikari Andersons í ,,Blonde and Blonder" er Denise Richards og er myndinni líst sem blöndu af ,,Dumb & Dumber" og ,,Legally Blonde."