Kröfuharður Spiderman

Tobey Maguire ferðast nú um til að kynna Spiderman 3 en myndin er sú dýrasta sem gerð hefur verið. Í fylgdarliði Tobey eru tíu manns, þar á meðal unnusta hans, Jennifer Meyer og dóttir þeirra, Ruby. Sömuleiðis hefur Tobey sinn eigin matreiðslumann með í för en hann eldar ofan í leikarann girnilegar grænmetismáltíðir. Þetta er þó ekki það eina sem fylgir leikaranum á ferðalaginu því hann er sagður vilja hafa gnægð af uppáhalds vatninu sínu, ruggustól á hótelherbergjum og ísskáp í fullri stærð.