Nicole Richie komin með gömlu hárgreiðsluna

Simple Life leikkonan Nicole Richie er enn og aftur búin að breyta um hárgreiðslu. Undanfarið hefur hún verið með brúnleitt sítt hár en hún hefur prófað alla litaflóruna, ljóst, rautt og brúnt. Á laugardag skartaði Nicole nýrri greiðslu, en þó ekki svo nýrri.

Er leikkonan búin að lita hár sitt ljóst og er það klippt á sama hátt og fyrir nokkrum misserum, axlarsítt með þungum toppi. Nicole er oft talin tískufyrirmynd þegar kemur að klæðnaði og hárgreiðslum þannig að það er er aldrei að vita nema nýja, en þó gamla, greiðslan muni fá ungar stúlkur til að fara til hárskerans.