Jenna Jameson veldur aðdáendum vonbrigðum

Klámmyndaleikkonan Jenna Jameson stendur í nú erfiðum skilnaði við eiginmann sinn Jay Grdina. Tekur skilnaðurinn svo á leikkonuna að það er farið að hafa áhrif á líf hennar. Er hún farin að hegða sér ófagmannlega og bregðast aðdáendum sínum. Að auki hefur hún lést umtalsvert undanfarið. Það er NY Post sem greinir frá þessu.

Jenna, sem er sögð hafa gengist undir lýtaaðgerð á leggöngum nýlega, hefur grennst afar mikið síðustu vikurnar. Þótti hún næstum óþekkjanleg á ráðstefnu Exxxotica á Miami í byrjun mánaðarins. Voru það mikil vonbrigði fyrir aðdáendur klámdrottningarinnar. Átti Jenna að koma fram í sex klukkustundir á þeim tveimur dögum sem ráðstefnan stóð yfir. Mætti hún of seint báða dagana og fór 45 mínútum of snemma seinni daginn.

Þegar aðdáendur Jennu spurðu hana opinskátt út í lýtaaðgerðina og þyngdarmissinn, sáu fjölmiðlafulltrúar stjörnunnar um að þeim yrði ekki svarað. Neitaði Jenna sömuleiðis að veita fjölmiðlum viðtöl, þar á meðal CNN, The Miami Herald og fullorðinsvefsíðunni XBiz.com.

Þrátt fyrir óánægju aðdáenda sagði lögmaður Jennu leikkonuna hafa staðið fullkomlega við skuldbindingar sínar gagnvart Exxxotica. Hafi framkvæmdastjóri fyrirtækisins verið ánægður með Jennu og boðið henni að koma aftur á ráðstefnu á vegum fyrirtækisins.