Pönksöngvari í fangelsi vegna morðs

Söngvari pönkhljómsveitarinnar Mest hefur verið stungið í steininn vegna gruns um morð. Átti morðið sér stað í L.A. á sunnudag en lögregla segir söngvarann hafa játað að hafa stungið núverandi elskhuga fyrrum kærustu sinnar til dauða.

Söngvarinn heitir Tony Lavato og er 26 ára gamall. Honum er nú haldið í fangelsi gegn einnar milljón dollara tryggingu. Hann hefur viðurkennt að hafa ráðist á manninn, en segir fórnarlambið fyrst hafa ráðist á sig í bílakjallara þar sem morðið átti sér stað. Hann hafi síðan á einhverjum tímapunkti tekið upp hníf og stungið fórnarlambið.

Búið er að ákæra söngvarann fyrir morð.