Arbandsúri Parisar stolið af flugvallarstarfsmanni

Það er ekki alltaf gott að vera þekktur fyrir mikið ríkidæmi eins og Paris Hilton hefur fengið að komast að. Á síðasta ári lenti hún í því að rándýru armbandsúri hennar var stolið við gegnumlýsingu á farangri hennar á LAX, alþjóðaflugvellinum í L.A.

Úrið, sem er metið á nokkur þúsund dollara, var í handfarangri Parisar en starfsmaður flugvallarins lét greipar sópa þegar Paris sá ekki til. Lögreglan í L.A. hefur nú ákært starfsmanninn fyrir stuldinn. Sömuleiðis hafa fleiri starfsmenn flugvallarins verið ákærðir fyrir sambærileg brot gegn öðrum farþegum. Ekki er vitað hvort Paris muni bera vitni í málinu.