Kate Winslet vinnur mál gegn tímariti

Breska leikkonan Kate Winslet hefur unnið mál gegn tímariti sem sagði hana hafa leitað sér aðstoðar læknis til að grenna sig. Kate hefur verið óhrædd við að láta skoðanir sínar í ljós þegar kemur að því að gagnrýna það granna holdarfar sem ræður ríkjum í Hollywood.

Lögmaður Kate sagði hana hafa leitað sér læknisaðstoðar vegna hálsmeiðsla en ekki til megrunar. Þegar umrædd grein birtist í tímaritinu Grazia hafði Kate strax samband við það. Hún sagði greinina leiða líkum að því að hún hefði logið að almenningi þegar hún hafi sagst neita því að láta undan þrýstingi til að grenna sig. Hún væri ángæð með sig eins og hún væri.

Ætlar Kate Winslet að láta skaðabótagreiðslur tímaritsins renna til samtaka sem berjast gegn átröskunum.