Rachael Ray bitin af hundi

Sjónvarpskonan geðþekka, Rachael Ray, varð fyrir árás hunds í Union Square garðinum á laugardag þar sem hún varð að reyna að verja litla hundinn sinn, Isaboo.

Talsmaður sjónvarpskonunnar sagði í samtali við NY Post að hundurinn hefði komið upp að Rachael og enginn eigandi verið nálægur. Hundurinn hafi gerst árásargjarn og Rachael og aðrir gestir garðarins hafi kallað að honum til að hrekja hann burt. Það gekk þó ekki betur en svo að hann réðist á Isaboo. Þetta æsti aðra hunda upp og þegar Rachael reyndi að grípa inn í var hún bitin af einum þeirra.

Til allrar lukku var hjúkrunarkona í garðinum á sama tíma sem leit á meiðslin en þau voru ekki alvarleg.