Mischa Barton slæm fyrirmynd

Leikkonan Mischa Barton úr O.C. er ekki góð fyrirmynd litlu systur sinnar, Haniu, en Hania er nýkomin úr meðferð. Mischa var úti að skemmta sér með vinum sínum á Anchor barnum í NY. Hún skemmti sér með drykk í hönd og dansaði við lög Madonnu, Beyonce og Nelly Furtado. Kvöldið var þó ekki eintóm skemmtun.

Þegar gleðin stóð sem hæst hljóp Mischa út af staðnum og kastaði upp fyrir utan. Gekk það ekki betur en svo að nokkrir gestanna, sem þar stóðu og reyktu, fengu æluslettur á spariskóna. Þegar þessu lokið hélt Mischa aftur inn á skemmtistaðinn og hélt áfram að drekka og dansa. Það hefur því verið líf og fjör hjá Mischu á djamminu. Fjölmiðlafulltrúi Mischu hefur ekki viljað tjá sig um málið.