Lífið

Tom Cruise fylgir Katie á tökustað

Tom Cruise virðist taka virkan þátt í lífi konu sinnar, Katie Holmes.
Tom Cruise virðist taka virkan þátt í lífi konu sinnar, Katie Holmes. MYND/Getty Images

Leikkonan Katie Holmes, sem gift er leikaranum fræga Tom Cruise, hefur tekið að sér hlutverk í kvikmyndinni Mad Money. Er um að ræða gamanmynd sem fjallar um þrjár konur sem skipuleggja milljóna dollara rán. Queen Latifah og Diane Keaton munu leika á móti Katie í myndinni.

Tom Cruise virðist þó ekki eiga auðvelt með að líta af konu sinni því samkvæmt heimildum NY Post hefur hann haft samband við framleiðendur myndarinnar og tjáð þeim að hann muni verða á tökustað á hverjum degi. Er hann sagður vilja hjálpa Katie og er talið líklegt að hann muni hafa dóttur þeirra Suri, sem fæddist á síðasta ári, með í för.

Talið er að umboðsmaður Katie, Hylda Queally, hafi valið hlutverkið fyrir hana þar sem um væri að ræða kvikmynd um konur og ekki væru nein ástaratriði í myndinni. Katie neitaði hlutverki í framhaldsmynd um Leðurblökumanninn á móti Christian Bale, en margir telja að það hafi vegna ástaratriða í myndinni.






Fleiri fréttir

Sjá meira


×


Tarot dagsins

Dragðu spil og sjáðu hvaða spádóm það geymir.