Fundu 250 grömm af hassi við húsleit

Lögreglan á höfuðborgarsvæðinu handtók karlmann á þrítugsaldri í gær en í vistaverum hans fundust ætluð fíkniefni. Fram kemur í tilkynningu frá lögreglunni að talið sé að þetta séu 250 grömm af hassi og neyslumagn af kókaíni. Hjá manninum fannst einnig talsvert af fjármunum og voru þeir haldlagðir. Handtakan var gerð að undangengnum úrskurði Héraðsdóms Reykjavíkur. Lögregla segir manninn hafa komið áður við sögu hjá sér en málið telst upplýst og fer nú til ákærumeðferðar.