Tískuhönnuður kærður fyrir nauðganir

Tískuhönnuðurinn Anand Jon, sem er þekktur meðal stjarnanna Vestanhafs, hefur verið handtekinn fyrir tvær nauðganir. Anand er sagður hafa misþyrmt fjórum mismunandi fórnarlömbum frá október 2004 fram til dagsins í dag. Ofan á nauðgunarkærurnar tvær er hann kærður fyrir kynferðislega líkamsárás og að hafa framið brot gegn tveimur börnum. Yngsta fórnarlambið er 15 ára. Anand neitar öllum ákærunum samkvæmt heimildum NY Daily News.

Anand Jon hefur komið fram á MTV og í þættinum America's Next Top Model. Hann er einnig þekktur fyrir að vera vinur vinur þeirra Parisar Hilton, Paulu Abdul og Michelle Rodriguez.