Níu ára ljósmyndari vekur athygli

„Mér finnst nú bara gaman að taka ljósmyndir,“ segir Arna Rós Hall Arnarsdóttir, níu ára gamall ljósmyndari sem vakið hefur mikla athygli á netinu. Þessi fyrirmyndarnemandi í Ingunnarskóla í Grafarholti stundar fimleika með Fjölni en milli þess sem hún bregður sér í spíkat og splitt smellir hún af myndum í gríð og erg.

Stundum eru vinkonur hennar myndefni en oftast tekur hún sér fyrir hendur að fanga landslag Íslands. Og hefur hlotið mikið lof fyrir. Á síðu hennar á dpchallenge.com gefur að líta nokkur verk Örnu og má glöggt sjá að stúlkan er gædd miklum hæfileikum á þessu sviði.

Arna hefur þegar hlotið ein verðlaun fyrir mynd af brúnni í Bláa lóninu og viðbrögð gesta láta ekki á sér standa þegar þeir uppgötva ungan aldur ljósmyndarans. Flestir af þeim sem taka þátt í þessum keppnum eru ýmist atvinnuljósmyndarar eða forfallnir áhugamenn um ljósmyndun sem margir hverjir hafa verið lengi að.Arna á ekki langt að sækja áhugann. Faðir hennar, Arnar Már Hall Guðmundsson, segist hafa fengið þessa bakteríu strax við fermingu. „Við gáfum Örnu myndavél í jólagjöf í fyrra og hún hefur eiginlega ekki stoppað síðan,“ útskýrir Arnar sem er að vonum stoltur af stúlkunni sinni. „Henni finnst þetta ótrúlega spennandi og er ótrúlega hæfileikarík,“ bætir pabbinn við.

Hann segir Örnu hafa náð góðum tökum á svokallaðri þriðjungareglu sem er beitt við myndbyggingu og viðurkennir að Arna leggi stundum mikið til málanna þegar kemur að myndatöku enda þótt ekki sé farið að rífast yfir myndatökum af fjölskyldunni. „Ælti eggið sé ekki á köflum farið að kenna hænunni,“ segir Arnar og hlær. „Sumar myndir mínar eru betri en pabba,“ bætir Arna og þau feðgin skella upp úr.

Arna á ekki langt að sækja áhugann. Faðir hennar, Arnar Már Hall Guðmundsson, segist hafa fengið þessa bakteríu strax við fermingu. „Við gáfum Örnu myndavél í jólagjöf í fyrra og hún hefur eiginlega ekki stoppað síðan,“ útskýrir Arnar sem er að vonum stoltur af stúlkunni sinni. „Henni finnst þetta ótrúlega spennandi og er ótrúlega hæfileikarík,“ bætir pabbinn við.

Hann segir Örnu hafa náð góðum tökum á svokallaðri þriðjungareglu sem er beitt við myndbyggingu og viðurkennir að Arna leggi stundum mikið til málanna þegar kemur að myndatöku enda þótt ekki sé farið að rífast yfir myndatökum af fjölskyldunni. „Ælti eggið sé ekki á köflum farið að kenna hænunni,“ segir Arnar og hlær. „Sumar myndir mínar eru betri en pabba,“ bætir Arna og þau feðgin skella upp úr.