Er Britney orðin Gyðingur ?

Britney Spears er komin með nýjan kærasta, og nú velta menn því fyrir sér hvort hún hafi tekið nýja trú í leiðinni. Britney er suðurríkja baptisti og gekk gjarnan með krossa um hálsinn. Nýi kærastinn hennar er fyrirsætan og leikarinn Isaac Cohen, sem er Gyðingur, eins og nafnið bendir til.

Og nú er Britney farin að sjást með Davíðs stjörnuna um hálsinn, en hún er eitt af trúartáknum Gyðinga. Stúlkan er að vísu ekki alveg ókunnug gyðingdómi, því hún lagði stund á Kabbalah undir handleiðslu Madonnu, um nokkurt skeið. Kabbalah snýr að dulrænum hlyðum Gyðingdómsins.