Lögmaður Færeyja í opinbera heimsókn

Jóhannes Eidesgaard, lögmaður Færeyja, kemur í þriggja daga opinbera heimsókn til Íslands í dag, í boði Geirs H. Haarde forsætisráðherra. Í för með lögmanninum verða embættismenn og fjölmenn viðskiptasendinefnd.

Meðan á heimsókninni stendur mun hann m.a. eiga fundi með forsætisráðherra og Valgerði Sverrisdóttur utanríkisráðherra opna færeyska viðskiptaráðstefnu og heimsækja stofnanir og fyrirtæki.

Flugvél lögmannsins lendir á Reykjavíkurflugvelli nú upp úr hádegi og eftir fund með forsætisráðherra í Ráðherrabústaðnum, boða lögmaðurinn og forsætisráðherrann til sameiginlegs blaðamannafundar.