Stálu bílum í Reykjavík og á Skeiðum

Bíræfnir bílaþjófar voru á ferðinni í Reykjavík og á Skeiðum í síðustu viku eftir því sem segir á vef lögreglunnar á Selfossi. Lögregla fékk tilkynningu um að bíl hefði verið stolið af sveitabæ á Skeiðum aðfaranótt þriðjudags en hann fannst næsta dag við fjölbýlishús í Laugarneshverfi í Reykjavík.

Í ljós kom að þeir sem tóku bílinn höfðu stolið vörubíl í höfuðborginni og ekið austur á Skeið þar sem þeir skyldu vörubílinn eftir og stálu hinum bílnum. Á leið sinni til borgarinnar virðast þeir svo hafa komið við í Írafossvirkjun og stolið þar úr bifreið fatnaði og rafmagnsmælitæki. Hefur lögregla fundið þjófana og telst málið upplýst.