Fimmtungur leikskóla án opinberrar uppeldisstefnu

Um fimmtungur leikskóla hefur ekki opinbera uppeldisstefnu og annars eins hópur hefur ekki mótað eigin skólanámskrá samkvæmt könnun sem menntamálaráðnuneytið gerði í fyrra. Fram kemur í vefriti menntamálaráðuneytisins að auk þess hafi um sjö prósent leikskóla hvorki opinbera uppeldisstefnu né eigin skólanámskrá.

Þetta brýtur í bága við aðalnámskrá leikskóla frá árinu 1999 þar sem fram kemur að sérhver leikskóli eigi að gera skólanámskrá á grundvelli aðalnámskrár leikskóla og að skólanámskráin eigi að vera í

samræmi við opinbera uppeldisstefnu leikskólans. Segir í vefriti ráðuneytisins að í ljósi þessa hafi menntamálaráðuneytið ákveðið að kalla eftir frekari upplýsingum..