Ríkisútvarpið má kaupa nuddstofu og mjólkurbú

Framsóknarþingmaðurinn Guðjón Ólafur Jónsson sagði að með kaupum Íslandspósts á fyrirtækinu Samskiptum væri ríkið að gera strandhögg á prentmarkaði og sagðu þau orka tvímælis. Samgönguráðherra sagði kaupverð trúnaðarmál og varði kaupin og sagði tilganginn meðal annars þann að verja starfsöryggi starfsmanna Íslandspósts. Samfylkingarþingmennirnir Katrín Júlíusdóttir og Björgvin G. Sigurðsson gagnrýndu ráðherra Sjálfstæðisflokksins fyrir að verja það að ríkisfyrirtæki væri með þessum hætti að fara í samkeppnisrekstur. Katrín sagði gjörninginn óverjandi og Björgvin sagði hann afhjúpandi. Flokksbróðir þeirra, Jóhann Ársælsson, minnti á að frumvarp um Ríkisútvarpið hefði verið samþykkt í gær sem galopnaði á möguleika þess til að kaupa allskonar starfsemi. Það gæti þessvegna verið nuddstofa eða mjólkurbú.