Íslendingar sneru við blaðinu í síðari hálfleik

Íslendingar sigruðu Túnisa 36-30 í fyrsta leik sínum í milliriðli heimsmeistaramótinu í Þýskalandi. Algjör viðsnúningur var á frammistöðu liðsins frá því fyrri hálfleik en í leikhléi höfðu Túnisar þriggja marka forskot, 19-16.

Eftir sigurinn er íslenska liðið komð með fjögur stig í milliriðlinum en það mætir Pólverjum á morgun.

Ólafur Stefánsson var markahæstur í íslenska liðinu með átta mörk, Logi Geirsson með sjö, Guðjón Valur Sigurðsson fimm og þeir Alexander Petterson, Róbert Gunnarsson og Ásgeir Örn Hallgrímsson þrjú hver.