Grunaður um nokkur innbrot

Lögreglan á höfuðborgarsvæðinu handtók í gær karlmann sem grunaður er um nokkur innbrot á höfuðborgarsvæðinu. Hann er meðal annars grunaður um að hafa stolið tækjabúnaði úr vöruhúsi og bíl aðfaranótt þriðjudags.

Þá var annar karlmaður handtekinn í nótt en í fórum hans fannst varningur sem hann gat ekki gert grein fyrir. Unglingsstúlka var staðin að hnupli í Smáralind í gær og karlmaður á miðjum aldri var gripinn við sömu iðju í matvöruverslun annars staðar á höfuðborgarsvæðinu.