110 skilja ekki íslensku á öldrunarstofnunum

110 manns sem starfa á öldrunarstofnunum á landinu skilja ekki íslensku eða geta ekki tjáð sig á íslensku. Þetta kom fram í svari Sivjar Friðleifsdóttur heilbrigðisráðherra við fyrirspurn Önnu Kristínar Gunnarsdóttur, þingmanns Samfylkingarinnar.

Fram kom í máli ráðherra að um væri að ræða um 2-3 prósent af starfsmönnum á öldrunarstofnunum. Siv sagði það rétt að stefna ætti að því að ummönnunarfólk ætti að kunna sem besta íslensku en staðan á íslenskum vinnumarkaði að undanförnu væri sú að erfitt hefði verið að fólk til starfa í ummönnunarstörf. Ef ekki hefðu komið til nýir starfsmenn fra útlöndum inn á stofnanirnar væri væntanlega mikill vandi í öldrunarþjónustunni.

Anna Kristín lýsti þeirri skoðun sinni að skylda ætti stofnanir til að bjóða upp á íslenskukennslu svo starfsmenn hefðu lágmarkskunnáttu í íslensku.