Aldraðir og öryrkjar bjóða fram til Alþingiskosninga

Hópur aldraðra og öryrkja hefur ákveðið að stofna til framboðs fyrir komandi Alþingiskosningar. Aðalmarkmið hópsins er að bæta kjör og aðbúnað eldra fólks og öryrkja. Lögð hafa verið drög að helstu áhersluatriðum framboðsins og verða þau fullmótuð á næstu dögum.

Í tilkynningu vegna framboðsins segir að þegar áhersluatriðin liggji fyrir verði auglýstur opinn kynningar- og stofnfundur stjórnmálahreyfingar áhugafólks um málefni aldraðra og öryrkja. Hreyfing ætlar að leita samstarfs við konur og karla í öllum kjördæmum.

Heimasíða framboðsins er www.frambod.is og verður hún opnuð næstkomandi fimmtudag.

Þeir sem sitja í undirbúningsnefndinni eru: Arnþór Helgason, fyrrverandi formaður Öryrkjabandalags Íslands, Arnór Pétursson, fyrrverandi formaður Sjálfsbjargar, Baldur Ágústsson, fyrrverandi flugumferðarstjóri og forstjóri Vara, Baldur Ágústsson, fyrrverandi framkvæmdastjóri Bílaleigu Akureyrar, Guðbjörn Jónsson, sjómaður og fyrrverandi ráðgjafi, og Hannes Sigurðsson, fyrrverandi framkvæmdastjóri Sjálfsbjargar á höfuðborgarsvæðinu.