Margir vilja nýta mannvirki á Keflavíkurflugvelli

Þróunarfélag Keflavíkurflugvallar hefur fengið sendar yfir eitthundrað hugmyndir um nýtingu mannvirkja og húsakosts á vellinum. Félagið hefur opnað heimasíðu og kappkostar að koma lífi í Keflavíkurflugvöll á nýjan leik sem allra fyrst. Þróunarfélag Keflavíkurflugvallar bíður mikið verk að koma öllu í gang.

Á Keflavíkurflugvelli eru um 300 byggingar, þar af um 100 fjölbýlishús sem flest eru í mjög góðu standi og í raun er um fasteignir heils bæjarfélags að ræða. Þar er að finna kirkju, leik- og grunnskóla, sjúkrahús, skrifstofubyggingar og íþróttamannvirki.

Markmið þróunarfélagsins er að leiða þróun og breytingar á vellinum og mun það auglýsa á næstunni ýmislegt sem í boði er og hægt verður að fylgjast með á heimsíðu félagins Kadeco.is. Meðal annars er mikill áhugi á að flugrækinni starfsemi og ýta þannig undir vöxt alþjóðaflugvallarins í Keflavík.