Norðurskautsverkefni styrkt

Samstarfsnefnd Norrænu ráðherranefndarinnar hefur samþykkt að styrkja 22 Norðurskautsverkefni. Í fréttum Norrænu ráðherranefndarinnar segir að styrkirnir nemi liðlega 80 milljónum íslenskra króna.

Þessar sameiginlegu norrænu aðgerðir verða hluti að alþjóðlegu heimskautaári sem hefst þann 1. mars 2007. Verkefnin styðja við markmið samstarfsáætlunar Norrænu ráðherranefndarinnar en þau miða að því að efla og þróa lífsskilyrði íbúa Norðurskautsins, norrænar rannsóknir sem tengjast alþjóðlega heimskautaárinu og aðgerðir sem tengjast umhverfis- og loftslagsmálum á Norðurskautinu.