Játningar kynferðisbrotamanns rannsakaðar

Játning Ágústs Magnússonar í Kompási á sunnudag, þar sem hann segir fórnarlömb sín hafa verið fleiri en hann var dæmdur fyrir, verður tekin til rannsóknar að sögn lögreglu. Ritstjóri Kompáss mætir í skýrslutöku hjá lögreglu eftir hádegi vegna þáttarins.

Í sjónvarpsþættinum Kompási svaraði Ágúst Magnússon því aðspurður að fórnalömb hans hefður verið fimm til átta fleiri en hann var dæmdur fyrir árið 2004. Þá var hann fundinn sekur um að níðast á sex drengjum. Þegar Kopmás kom upp um Ágúst við vinnslu þáttarins var hann sendur af Vernd á Litla-Hraun.

Ágústi var illa tekið af samföngum sínum í húsi þrjú á Litla-Hrauni að sögn Ágústs. Þeir settu Kompásþáttinn í botn á sunnudagskvöldið til að vera vissir um að hann heyrði þáttinn. Þá var kastað í hann eggjum og hrópað og kallað að honum. Föngum var hótað að þeir yrðu lokaðir inni létu þeir ekki af látunum en það endaði svo að Ágúst var fluttur í eingangrun. Þar má aðeins halda honum í 24 klukkutíma en þegar tíminn var útrunnin óskaði Ágúst sjálfur eftir því að vera áfram í einangrun.

Í samtali við fréttastofu sagðist hann ætla að reyna hvað hann gæti til að komast á Sogn og á pantaðann tíma hjá sálfræðingi í dag í þeim tilgangi.

Barnaklám hefur fundist í þeim tölvum Ágústs sem lögreglan lagði hald á vegna þáttar Kompáss. Ekki liggur fyrir hvað myndirnar eru margar eða hvort þær eru af íslenskum börnum. Fleiri en Ágúst höfðu samband við þrettán ára tálbeitu Kompáss og reyndu að nálgast hana og hefur lögreglan boðað Jóhannes Kr. Kristjánsson í skýrslutöku vegna þeirra upplýsinga og mun hann mæta til lögreglu eftir hádegi.