Innlent

Varað við hættum á ísnum

MYND/E.Ól
Lögreglan á höfuðborgarsvæðinu beinir því til foreldra að ræða við börn sín um hættuna af því að leika sér á ís. Á höfuðborgarsvæðinu séu ýmsir staðir sem freista í þessum efnum en lögreglumenn hafa sannreynt það í dag að ísinn er þunnur og því mjög varhugaverður.



Lögreglumenn könnuðu m.a. ástandið á sjónum sunnan við Kársnesið í Kópavogi og eins á Elliðavatni. Á báðum stöðum reyndist ísinn vera þunnur og því er full ástæða til að vara fólk við en ástandið mun vera svipað annars staðar á höfuðborgarsvæðinu.

Vitað er að margir í hópi hinna fullorðnu ganga gjarnan yfir vötnin í nágrenni byggðarinnar og þessum varnaðarorðum er líka beint til þeirra. Skemmst er að minnast óhapps í fyrra þegar ísinn gaf sig undan fótum þriggja kvenna sem voru á gangi á Rauðavatni.

Mest lesið


Fleiri fréttir

Sjá meira


×

Mest lesið