Innlent

Samstarfsfólk Margrétar í borgarstjórn styður hana til forystustarfa

MYND/Hari
Samstarfsfólk Magrétar Sverrisdóttur, ritara Frjálslynda flokksins, í borgarstjórn styður hana heils hugar til forystustarfa flokknum. Fram kemur í tilkynningu frá hópnum að verka Margrétar beri vott um víðsýni og þau stefnumál sem Margrét hafi staðið vörð um séu mikilvægt innlegg í landsmálin.



Meðal þeirra málaflokka sem hún hafi sinnt af alúð séu velferð, menntun, umhverfi og aðrir almannahagsmunir án þess að skerða frelsi einstaklinga til framkvæmda. Hún hafi í störfum sínum sýnt það og sannað að hún sé trúverðugur leiðtogi sem fylgi af festu yfirlýstri stefnu. Telur hópurinn jafnframt að flokkurinn sé mun sterkari með Margréti í forystusveit.

Eins og kunnugt er lýsti Margrét yfir framboði til varaformanns Frjálslynda flokksins í síðustu viku en eftir að Guðjón Arnar Kristjánsson, formaður flokksins, lýsti yfir stuðningi við núverandi varaformann, Magnús Þór Hafsteinsson, íhugar Margrét að bjóða sig fram til formanns. Forysta flokksins verður kjörin á landsþingi um næstu helgi.

Mest lesið


Fleiri fréttir

Sjá meira


×

Mest lesið