Innlent

„Búum við heimsmet í okri," segir lektor við Hí og Bifröst

"Við búum við hæsta verðlag í heiminum og heimsmet í okri" segir Guðmundur Ólafsson, lektor í hagfræði við Bifröst og HÍ. Þar á hann við verð á matvöru sem hann segir skýrast meðal annars af hækkun á álagningu í verslun, lítilli samkepni og alltof háum tollum og vörugjöldum.

Guðmundur var gestur Egils Helgasonar í þættinum Silfur Egils á Stöð 2 í gær. Þar lét hann áðurnefnd orð falla um okrið á matvöru hérlendis. Að sögn Guðmundar hefur verð á landbúnaðarvörum verið nokkurs konar skálkaskjól á verði á öðrum matvælum síðastliðin 30 til 40 ár. En Guðmundur varpar líka ábyrgðinni á verslunina og kaupmenn. Þar nefnir hann að álagning í verslun sé á bilinu 27-40% sem sé alltof mikil. Hann segir þó að verslun hafi breyst á síðustu árum, opnunartímar hafi lengst og húsnæði verslunnar stækkað.

Guðmundur nefnir líka tolla-og vörugjöld séu allt of há og enginn vilji sé hjá fjármálaráðherra til að afnema það. Lítil samkeppni hér á landi valdi líka því að hlutverk Verðlagsstofnunar sé þegar á botninn er hvolft, komið í hendur Baugs.

Mest lesið


Fleiri fréttir

Sjá meira


×

Mest lesið